Yahaan

baat kyun na bayaan ho
saamne jab khuda ho
ilm ki hi to kami hai
chup ye zubaan kyun na ho

yahaan kami hai gairon ki

choo lo mujhe tum zubaan se
dil ke andheron se dua se
fikr bhari kyun fiza me
choo lo mujhe befikri se

yahaan kami hai gairon ki


saamne tum ho ya koi khuda hai
hai kya?
hum bemaqsad hain hum behaya hain
hain kya?

tifl-e-maqtab hi aalim hai
zaat hai jahaalat ki
khudgarz ki ye duniya kyun
wafa waishiya shaitaan ki

yahaan kami hai gairon ki
yahaan kami hai gairon ki